Үзәк банк ОСАГО тарифларының кемнәр өчен үзгәрәчәге турында хәбәр итте

Россия Банкы җәмәгать транспорты, мототранспорт һәм йөк автомобильләре өчен ОСАГО буенча тариф коридорының киңәйтелүе хакында хәбәр итте.

Регулятор искәрткәнчә, 27 гыйнвардан тариф коридорының чикләре ике якка да киңәя: җәмәгать транспорты – троллейбуслар, трамвайлар, автобуслар өчен – 11,57 процентка, мототранспорт һәм рөхсәт ителгән максималь авырлыгы 16 тонна һәм түбәнрәк булган йөк автомобильләре өчен – 20 процентка.

Мондый карарның сәбәбе – бу категориядәге транспортның артыклыгы.

«Әйтик, зур булмаган йөк автомобильләре максималь зыяны 400 мең сум тәшкил иткән юл һәлакәтләрендә ешрак гаепле дип табыла. Мототранспортка килгәндә, соңгы елларда алар гаебе белән булган аварияләрдән зыянның гомуми күләме 32 процентка арткан», - диелә хәбәрдә.

Шулай ук 27 гыйнвардан ОСАГО мультидрайв полислары буенча да коэффициент арта. Бу – машина йөртүчеләр күрсәтелмәгән страховка. Машина йөртү таныклыгы булган, хуҗасы автомобиль документларын һәм ачкычларын биргән һәркем мультидрайв белән йөри ала. Илдә барлык ОСАГО полисларының 2 проценттан азрагы мультидрайвка туры килә.

Шул ук вакытта, гадәти машина йөртүчеләр өчен ОСАГО буенча төп ставка элеккеге дәрәҗәдә калачак.

Элегрәк «мәҗбүри автогражданка» полисларының уртача бәясе арзанаюы турында билгеле булган иде.