სლოვაკეთის ერთ-ერთ გიმნაზიაში დანით თავდასხმის შედეგად ორი ადამიანი დაიღუპა
18 წლის ეჭვმიტანილი დანაშაულის ადგილიდან გაიქცა. პოლიციამ ის თავდასხმიდან დაახლოებით ერთი საათის შემდეგ დააკავა.
საქმეს იძიებს სლოვაკეთის პოლიციის ორგანიზებულ დანაშაულთან ბრძოლის დირექტორატი.
ცნობილია, რომ მოზარდი ადრე სწავლობდა ქალაქ კეჟმაროკის გიმნაზიაში, მაგრამ სპისკა სტარა ვესში გადაიყვანეს. ეჭვმიტანილი იყო წარმატებული სტუდენტი, მონაწილეობდა ოლიმპიადებსა და სხვა სასკოლო კონკურსებში. მისი ქმედებების მიზეზები უცნობია.
მომხდარ თავდასხმას სლოვაკეთის პრემიერ-მინისტრი რობერტ ფიცომ და სხვა მაღალჩინოსნები გამოეხმაურნენ და საზოგადოებას სოლიდარობისა და მხარდაჭერისკენ მოუწოდეს. ფიცომ, რომელიც გასულ წელს თავდასხმას გადაურჩა, ასევე გააფრთხილა სლოვაკეთის მოქალაქეები, რომ არ გამოიყენონ ტრაგედია პოლიტიკური მიზნებისთვის.