Гвардиола клубнинг январдаги трансферларига қандай муносабат билдирди?
- "Ўтган мавсумдаёқ эртами-кечми трансфер бозорида фаолликни оширишимизга тўғри келишини ҳис қилгандик. Ҳозир шу билан машғулмиз.
Агар барча футболчилар юқори спорт формасида бўлганида бу ишни қилмасдик. Бироқ бугунги кунда бизнинг ихтиёримизда бир ёки иккита марказий ҳимоячи бор, бундан кўп эмас", - деди испаниялик мутахассис.
“Манчестер Сити” мутасаддилари январь ойида учта трансфер бўйича иш олиб борди. Хусусан, “Ланс” ва “Палмейрас” марказий ҳимоячилари Абдуқодир Ҳусанов ва Витор Рейс “Манчестер Сити”га кўчиб ўтадиган бўлди.
Шунингдек, “шаҳарликлар” ҳужум чизиғига “Айнтрахт” тўпурари Умар Мармушни ҳам олиб келишни уддалагани айтилмоқда.