Рөстәм Миңнеханов БПЛА һөҗүме турында смс-хәбәрләр мәсьәләсен хәл итәргә кушты
Татарстан Рәисе Рөстәм Миңнеханов республиканың Гадәттән тыш хәлләр министрлыгына һәм Дәүләт идарәсен цифрлы нигездә үстерү, мәгълүмат технологияләре һәм элемтә министрлыгына БПЛА һөҗүмнәре турында смс-хәбәрләр мәсьәләсен хәл итәргә кушты. Бу хакта ул Цифрлы үсеш министрлыгының йомгаклау коллегиясендә әйтте.
«Халыкта смс-хәбәрләрне алу вакыты буенча гадел шелтәләр туа. Бу мәсьәләгә аерым игътибар бирергә кирәк», – диде ул. Бу турыда «Татар-информ» яза.
Аның сүзләренчә, шелтәләр смс-хәбәрләрне алу вакытына бәйле. Ул республиканың Гадәттән тыш хәлләр министрлыгына һәм Дәүләт идарәсен цифрлы нигездә үстерү, мәгълүмат технологияләре һәм элемтә министрлыгына бу эшне төгәлрәк оештыру мөмкинлекләрен өйрәнергә кушты.
Шулай ук утырышта Татарстан Фәннәр академиясе президенты Рифкать Миңнеханов йортларга гадәттән тыш хәл турында кисәтә торган домофоннарны массакүләм рәвештә урнаштырырга йөкләде, дип яза «Татар-информ».