Ysraýyl, zamunlaryň boşadylmagynyň deregine, palestinalylary Demirgazyk Gaza goýbermäge başlady
Netanýahuyň sözlerine görä, HAMAS parahat ýaşaýjy Arbel Ýehudy, harby gullukçy Agam Bergeri we - ABŞ raýatlygy bolan 65 ýaşly Kit Segal diýip çak edilýän ýene bir zamuny boşatmaga taýýarlanýar. Bulardan başga, hepdäniň aýagyna çenli ýene üç zamun boşadylar.
Ysraýyl, ýaraşyk şertnamasyna laýyklykda, 25-nji ýanwarda adamlary Gazanyň demirgazygyna goýbermäge başlamalydy. Ýöne, Arbel Ýehud meselesinde dörän dawa sebäpli, bu iş gijikdi. ýüze HAMAS ony iň soňky minutda alyş-çalyş sanawyna girizmekden saklandy.
Ysraýyl muny şertnamanyň zamun alnan parahat zenanlaryň harby gullukçy zenanlardan öňürti boşadylmagyny göz öňünde tutýan düzgüniniň bozulmagy hasaplady we HAMAS toparyndan Ýehudyň diridigini subut etmegi talap etdi.
Gaza zolagynyň HAMAS gözegçiligindäki içeri işler ministrligi AFP habar gullugyna ýaşaý ýerinden göçürilen palestinalylaryň Gazanyň demirgazygyna dolanyp gelmäge başlandygyny tassyklady.