Ақтаулық жаттықтырушы қыздың өлімі: басты күдікті өмір бойына сотталды
31 желтоқсанда Ақтауда апелляциялық сот жаттықтырушы Алина Серікованың өліміне қатысты іс бойынша үкім шығарды, - деп хабарлайды Tengrinews.kz тілшісі Маңғыстау облыстық сотына сілтеме жасап.
Марқұм қыздың ата-анасына бес айыпталушының үкімін оқу поцесіне алғаш рет қатысуға рұқсат берілді.
Апелляциялық сот басты айыпталушыны өмір бойына бас бостандығынан айыру жазасына кесті. Бұған дейін бірінші инстанция оны 20 жылға бас бостандығынан айырған еді. Тағы бір айыпталушы 16 жылға сотталды, қалғандары 13 жыл 6 ай және 13 жыл жаза алды. Бірінші инстанция соты оларды 8,5 жылға бас бостандығынан айырған болатын.
Сот шешімі бойынша, айыпталушылардан жәбірленуші тараптың пайдасына 19 618 415 теңге көлемінде материалдық шығын және 30 миллион теңге моральдық өтемақы өндірілді.
Еске салайық, 2024 жылғы мамырда Ақтауда сұмдық қылмыс болды. Бес ер адам 29 жастағы спортшы қызды ұрлап, соққыға жығып, зорлап, суицид жасауға дейін жеткізген. Tengrinews.kz-ке берген сұхбатында марқұмның туыстары сол қорқынышты түннің жантүршігерлік мәліметтерін бөлісті.
Марқұм Әселдің құрбысы болған. Ол оқиғаны алғашқылардың бірі болып білген және зардап шеккен қызға барлығын інісіне айтып, бұл істі жабық қалдырмауға көндірген. Әсел марқұммен 2021 жылдан бері таныс болған: олар бірге жаттығып, жақын құрбыға айналған. Оқиғадан бірнеше күн өткен соң Әсел құрбысын өзінің үйінің жанынан өлі күйінде табады.
Марқұмның 28 жастағы інісі Бауыржан да сол түннің қайғылы оқиғасы туралы қорқынышты мәліметтерді бөлісті.
2024 жылдың 18 желтоқсанында қылмыстың басты фигурантына сот 20 жыл, ал қалғандарына 6 жылдан 8,5 жылға дейін бас бостандығынан айыру жазасын тағайындады. Қыздың туыстары бірнеше жыл ішінде кінәлілер шартты түрде мерзімінен бұрын босап шығуы мүмкін деп қорқады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!