Ақтөбеде адам өлтіріп, денесін бөлшектеу іс бойынша сот үкімі шықты

Ақтөбеде танысының денесін бөлшектеп, басы мен іш-құрылысын тоңазытқышта сақтаған қос адамға сот үкімі шықты. Адам өлтіргені үшін біреуі 11 жылға, ал қылмысты жасырғаны үшін екіншісі 4 жылға бас бостандығынан айырылды, - деп хабарлайды Tengrinews.kz тілшісі "КТК" телеарнасына сілтеме жасап.
Айуандықпен адам өлтіргендерге қатысты сот тез аяқталған. Осыдан екі апта бұрын сотталушылар алқа билердің үкіміне жүгінетін айтқан еді. Сол уақыт аралығында алқа билер мүшесі іріктеліп, жауап алу да өткен.

"Сот басталмай жатып бас бостандығынан айрылғандардың бірінің анасы баласынан безініп кеткенін мәлімдеді. Себебі оның бұрын да осындай сұмдыққа барғанын айтады", - деп жазылған мәліметте.

Айта кетейік, қанды қылмыс өткен күзде Хромтау қаласында болған. Екі соталушы пышақтап өлтірген адаммен бірге арақ ішкен. Кейін денені кескілеп, қала сыртындағы кен орнына лақтырған. Ал марқұмның басы мен ішкі құрылысын тоңазтқышқа сақтап қойған. Телеарна мәліметінше, бәрі бұрын істі болып, түрмеге отырып шыққандар екен.
Сілтемесіз жаңалық оқисыз ба? Онда Telegram желісінде парақшамызға тіркеліңіз!