Абдуқодир Ҳусанов жамоаси бу йил чемпион бўла оладими?

Англия Премьер-лигасининг жорий мавсумида чемпионлик учун кураш тобора қизғин паллага кириб бормоқда.

Opta статистика марказининг суперкомпьютери Премьер-лига жамоаларининг чемпионликка эришиш имкониятларини ҳисоблаб чиқди.

Унга кўра, мусобақа жадвалида пешқадамлик қилаётган “Ливерпуль”нинг биринчи ўринни эгаллаши 85,8 фоиз аниқ бўлиб чиқди.

Иккинчи ўринда бораётган “Арсенал” клубининг ливерпулликлардан ўзиб кетиш имкони 14,1 фоиз деб баҳоланди.

Амалдаги чемпион “Манчестер Сити” қишда тўртта трансферни амалга оширган эди. Бироқ сунъий интеллектнинг ҳисоб-китобига кўра, Абдуқодир Ҳусанов, Нико Гонсалес, Витор Рейс ва Умар Мармуш жамоага чемпионлик унвонини сақлаб қолишга деярли ёрдам бера олмайди.

Суперкомпьютер “шаҳарликлар”нинг чемпион бўлиш эҳтимолини 0,1 фоиз деб кўрсатди.