Ҳусановдан янги рекорд! "Манчестер Сити" собиқ футболчиси уни мақтади...

"Шаҳарликлар" собиқ аъзоси Пол Диков "Манчестер Сити" ҳимоячиси Абдуқодир Хусановнинг "Ливерпул"га қарши (0:2) Англия Премьер-лигаси 26-тур ўйинига баҳо берди.

"Манчестер Сити"нинг собиқ ҳужумчиси Пол Диков жамоа ҳимоячиси Абдуқодир Ҳусановнинг Англия Премьер-лигаси 26-турида "Ливерпул"га қарши ўйиндаги (0:2) ҳаракатларини юқори баҳолади.

Matchday LIVE эфирида сўзга чиққан Диков, 20 ёшли ўзбекистонлик футболчи жамоаси мағлуб бўлганига қарамай, майдонда ажойиб ўйин кўрсатганини таъкидлади.

Ҳусановнинг рекорд кўрсаткичлари

Маълумотларга кўра, Ҳусанов мазкур ўйинда иккита муҳим статистик кўрсаткич бўйича энг яхши натижа қайд этган:
✅ Тўпга энг кўп тегиш – 102 марта
✅ Паслар аниқлиги – 99%

Шунингдек, у АПЛнинг 26-турида тўп учун курашда энг кўп (12 марта) ғолиб чиққан футболчи сифатида қайд этилди.

Диков ким?

Эслатиб ўтамиз, Пол Диков ўз фаолияти давомида "Арсенал", "Манчестер Сити" ва бошқа клублар сафида тўп сурган. Шунингдек, у Шотландия терма жамоаси таркибида 10 та ўйин ўтказган.

Ҳусановнинг бундай юқори даражадаги ўйини унинг келажакда Англия чемпионатида муҳим фигурага айланишидан далолат беради.

Манба: Matchday LIVE