Ербаян Мұхтардың ісі бойынша әлі күдіктілер жоқ
Бас әскери прокурордың бірінші орынбасары Мақсат Қазиев қызмет барысында ауыр бас жарақатын алып, еңбекке жарамсыз болып қалған мерзімді әскери қызметші Ербаян Мұхтар ісі бойынша тергеудің қалай жүріп жатқанын айтты, - деп хабарлайды Tengrinews.kz тілшісі.
Мақсат Қазиевтің айтуынша, бұл іс бойынша тергеу әлі жалғасып жатыр.
"Оперативті-тергеу шараларының кешені жүргізіліп жатыр. Қазіргі уақытта тергеудің нәтижелері туралы пікір білдіре алмаймыз, себебі бұл Қылмыстық кодекстің 201-бабына сәйкес көптеген адамның мүдделеріне қатысты. Тергеу Бас прокуратура мен бас әскери прокурордың ерекше бақылауында. Ұлттық ұлан ата-анасымен байланыста", – деді Қазиев.
Сондай-ақ, ол бұл іс бойынша нақты күдіктілердің әзірге жоқ екенін, тек белгілі бір адамдар тобының тергеу аясында тексеріліп жатқанын атап өтті.
Еске сала кетейік, Ербаян Мұхтар 2023 жылдың желтоқсанында ауруханаға түскен. Оған бес операция жасалды, бірақ нәтиже болмады. Жас сарбаз қызмет еткен Ұлттық ұлан әскери бөлімінде оның дәретханада құлап, басын плиткаға соққаны туралы ата-анасына хабарлаған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!