"Яллама" чегара постида қурол контрабандаси фош этилди
0
Қўшни давлатдан Ўзбекистонга "Яллама" чегара божхона пости орқали фуқаро бошқарувидаги автотранспорт воситаси белгиланган тартибда божхона текширувидан ўтказилди.
Текширув натижасида, йўловчи божхона декларациясида кўрсатилмаган ва оғзаки сўровда маълум қилинмаган, шунингдек, рухсат ҳужжатлари бўлмаган 2 дона "Hatsan" номли 4,5 мм. калибрли пневматик милтиқ ва 500 дона ўқ борлиги аниқланди.
Ҳозирда ушбу ҳолат юзасидан терговга қадар текширув ҳаракатлари олиб борилмоқда.
Эслатма! Ўзбекистон Республикасининг "Қурол тўғрисида"ги қонунига мувофиқ, фуқаровий ва хизмат қуролларини, шунингдек, уларнинг ўқ-дориларини мамлакат ҳудудига олиб кириш, олиб чиқиш ва транзит қилиш тегишли давлат органларининг рухсати асосида амалга оширилади.