Абдуқодир Ҳусанов – “Манчестер Сити”нинг янги юлдузи!
0
Ҳусанов – жаҳон футболида янги ном
Йўқ, бу афсона эмас! Ёш ҳимоячининг Премьер-Лиганинг энг мураккаб тизимига жуда тез мослашиб кетиши кўпчилик учун кутилмаган ҳол бўлди. Шундай бўлса-да, у “Ньюкасл”, “Тоттенхэм”, “Ливерпуль” ва “Реал” каби жаҳон грандлари юлдузларига қарши баҳсларда ўзига ишончли ўйин намойиш этмоқда.
Александер Исаак, Бруно Гимарайнш, Сон Хён Мин, Муҳаммад Салоҳ каби юлдузларга қарши қайтарувсиз ҳимоявий ҳаракатлари Ҳусановнинг Европада тобора машҳур бўлиб боришига олиб келмоқда.
Гвардиола ва Силва Ҳусанов ҳақида нима дейди?
"Манчестер Сити" бош мураббийи Хосеп Гвардиола ҳам ўзбек ҳимоячисини юқори баҳолаб, уни жамоанинг муҳим қисмига айланаётганини таъкидлади. Клуб юлдузларидан бири Бернарду Силва эса Ҳусановнинг иқтидори ҳақида алоҳида фикр билдирди:
???? “Инглиз тилида яхши гаплаша олмайдиган ва озгина тушунадиган Абдуқодир учун Англияда осон бўлмаслиги аниқ эди. Аммо у барча қийинчиликларга қарамай, ўз ўйинини намойиш этмоқда,” – деди Силва.
???? “Келганидан кейин бир ҳафта ҳам шуғулланмай туриб, “Челси”га қарши муҳим учрашувда майдонга тушди. Бу жуда оғир вазифа эди. Бироқ у катта характер кўрсатди ва дебютдан сўнг кундан-кунга ўсиб боряпти. Ҳусанов фантастик талантга эга футболчи!”
Ҳусанов учун катта имкониятлар!
Абдуқодир Ҳусанов Англия футболида ўз ўрнини мустаҳкамлаб, “Манчестер Сити” сафидаги асосий ҳимоячилардан бирига айланиши мумкин. Премьер-Лига ва Чемпионлар Лигасидаги муваффақиятлари унинг янада катта даражага чиқишига ёрдам беради.
Бугун жаҳон футболи Абдуқодир Ҳусановни кузатмоқда, ва у ўзбекистонлик футболчилар учун янги йўл очмоқда!