“Жетісу“ футбол клубының директоры сотталды
"Жетісу" футбол клубы" КМҚК директоры сотталды, - деп хабарлайды Tengrinews.kz тілшісі Антикор мәліметіне сілтеме жасап.
Талдықорған қалалық соты "Жетісу" футбол клубы" КМҚК директоры К. Донсебаевқа қатысты үкім шығарды.
"Ол оқу-жаттығу жиындарын өткізу кезінде клуб футболшыларының тамақтануына бөлінген 31,9 миллион теңге мөлшерінде бюджет қаражатын жымқырғаны үшін кінәлі деп танылды", - делінген хабарламада.
Залалдың толық өтелуіне және ауыр сырқаттың болуына байланысты Донсебаев мемлекеттік қызметте және квазимемлекеттік сектор субъектілерінде қызмет атқаруға өмір бойы тыйым салумен 7 жылға бас бостандығын шектеуге сотталды.
Үкім заңды күшіне енді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!