Чирмешәндә полиция хезмәткәрләре спартакиадасы булды
Чирмешәндә Россия Эчке эшләр министрлыгының район бүлеге хезмәткәрләре спартакиадасы булды. Бу хакта «Безнең Чирмешән» сайтында Гөлсирә Шәрифуллина яза.
Эчке эшләр органнары ветераны көненә багышланган, физкультура-сәламәтләндерү комплексы спорт залында үткән бу ярышта ике команда: ветераннар һәм эчке эшләр органнары хезмәткәрләре көч сынашты.
Полиция бүлеге җитәкчесе Юлдус Билалов һәм район эчке эшләр бүлегенең ветераннар советы рәисе Наилә Мәссарова спартакиадада катнашучыларны һәм тамашачыларны бәйрәм белән белән котладылар һәм уңышлар теләделәр.
Ярышларда катнашучылар волейбол, армрестлинг, гер күтәрү, аркан тартышу, пистолет сүтеп җыю кебек спорт төрләрендә осталыкларын һәм җитезлекләрен күрсәттеләр.
Җиңүчеләргә кубоклар, медальләр, грамоталар һәм бүләкләр тапшырылды. Бәйрәм чәй өстәле артында дәвам итте.