Түбән Кама «Татарстанның мәдәни башкаласы» конкурсының көмеш призеры булды
Гаилә елына багышланган «Татарстанның мәдәни башкаласы» республика конкурсында Түбән Кама районы мактаулы икенче урынны яулады. Чара Татарстан Рәисе Рөстәм Миңнеханов боерыгы буенча узды. Бу хакта https://tat.e-nkama.ru/ хәбәр итә.
Конкурста 35 муниципаль берәмлек катнашты, алар үзләренең гореф-гадәтләрен, йолаларын һәм казанышларын күрсәтте. Эксперт комиссиясе үзешчән коллективларның һәм артистларның чыгышларына бәя бирде. Традицион гаилә кыйммәтләре һәм патриотлык конкурсның төп темалары иде.