Қарзини сўраган танишини ўлдирган эркак 16 йилга қамалди

Ўзбекистонда қарзини сўраган танишини ўлдирган эркак 16 йил озодликдан маҳрум этилди, деб хабар берди Uz24.uz. Маълумотларга кўра, жиноят 2018 йилда содир этилган.

Суд ҳужжатларига кўра, айбланувчи марҳумнинг узумзоридан 10 минг долларлик узум сотиб олган, аммо белгиланган муддатда қарзни қайтармаган. Марҳум бир неча бор қарзни сўраган. Натижада жанжал келиб чиқиб, айбланувчи танишини ўлдирган.

Қотил тун яримда ҳодиса жойига қайтиб, уйидан олиб келган белкурак билан чуқур қазиб, марҳумнинг жасадини кўмган. Жиноят 22 кундан сўнг, 13 ноябрда фош этилган. Суд томонидан унга 16 йиллик қамоқ жазоси тайинланган.