Тошкент вилоятида «Ватанпарвар» ҳарбий-патриотик боғи қурилади

Тошкент вилояти ҳокими Зоир Мирзаев 2025 йил 5 май куни «Ватанпарвар» номли янги ҳарбий-патриотик боғ қурилиши учун давлат бюджети ҳисобидан миллиардлаб сўм ажратди, деб хабар берди Nova24.uz.

Ушбу боғ «Нурафшон Бизнес Сити» ҳудудида барпо этилади. Қурилиш учун вилоят бюджетига республика бюджети ҳисобидан ажратилган кредит маблағлари орқали 5 миллиард сўм йўналтирилади.

Боғ қурилиши учун масъуллик вилоят ҳокимлиги ҳузуридаги бизнес-марказлар қурилиши дирекциясига юклатилган. Маблағлар мақсадли ва самарали сарфланиши устидан назорат вилоят ҳокимининг биринчи ўринбосари Отабек Турсуновга топширилган.