Ўзбекистонда Tashkent Tech техник университети очилади

Ўзбекистонда янги техник университет — Tashkent Tech ташкил этилади, деб Kursiv.media хабар берди. Бу ҳақда Президент ёрдамчиси Саида Мирзиёева маълум қилди.

Унинг сўзларига кўра, университет янги авлод муҳандисларини тайёрлашга қаратилган бўлиб, энг юқори халқаро стандартларга жавоб беради.

Tashkent Tech Тошкент давлат техник университети базасида ташкил этилади. Университетни ташкил этишда Boston Consulting Group компанияси кўмаклашади.

Мирзиёева таъкидлаганидек, ушбу олийгоҳ Ўзбекистоннинг технологик суверенитети ва саноатини ривожлантиришга хизмат қилади.

Эслатиб ўтамиз, Tashkent Tech университетини очиш ташаббуси Президент Шавкат Мирзиёев томонидан илгари сурилган.