Татарстанлыларга республика территориясендә БПЛА куллануны тыю турында искәрттеләр
Татарстанда төбәк территориясендә пилотсыз очу аппаратларын (БПЛА) җибәрүне тыю дәвам итә. Тыю Татарстан Рәисе Рөстәм Миңнеханов карары белән 2022 елда ук кертелгән иде.
Искәрмә дәүләт органнары, аларның ведомство буйсынуындагы оешмалар, муниципалитетлар яисә алар белән килешү төзегән затлар файдалана торган дроннар өчен гамәлдә.
Билгеләнгән кагыйдәләрне бозган өчен административ җаваплылык каралган. Җиңелчә хокук бозу очрагында гражданнар 1 меңнән 4 мең сумга кадәр, вазифаи затлар15 меңнән 40 мең сумга кадәр, юридик затлар 200 меңнән 300 мең сумга кадәр кисәтү яки штраф алырга мөмкин.
Тыю Россия Президенты Владимир Путинның 2022 елның 19 октябрендәге карары белән билгеләнгән режимны бетергәнче гамәлдә булачак.