Казанда яшүсмерне бәрдереп качып киткән йөртүчене автоинспекторлар тапкан
Казанда кичә Җиңү проспектында җәяүлеләр кичүендә яшүсмерне бәрдереп, авария урыныннан качып киткән «Лада Гранта» машинасы йөртүчесен автоинспекторлар тапкан. Бу хакта «Татар-информ»га Казанның Дәүләт автомобиль инспекциясендә хәбәр иттеләр.
«Дәүләт автомобиль инспекциясе хезмәткәрләре автомобильне һәм аның йөртүчесен ачыклаган. Ул 1951 елгы, Казанда яшәүче, 30 ел машина йөртү стажы булган ир-ат булып чыккан», – дип сөйләделәр Казан буенча Россия Эчке эшләр министрлыгының ГАИ бүлеге җитәкчесе Михаил Савин.
Хокук бозган ир-атка карата административ беркетмә төзелгән. Шулай ук аны бер елга машина йөртү хокукыннан мәхрүм иткәннәр.