Лука Модрич «Реал»даги фаолиятини якунлади ва мухлислар билан хайрлашди

24 май, 2025 йил куни Лука Модрич «Реал Мадрид» сафидаги охирги учрашувини ўтказди. У жамоа билан «Сантьяго Бернабеу» стадионида «Реал Сосьедад»га қарши 2:0 ҳисобида ғалаба қозонган ўйиндан сўнг мухлислар олдида хайрлашув сўзларини айтди.

Модрич шундай деди:

«Мен жуда ёқтирадиган ибора билан якунлайман: йиғлама, чунки барчаси тугади — кулимса, чунки бу содир бўлди. Яша "Реал" ва бошқа ҳеч нарса керак эмас. Раҳмат.»

Модрич “Реал” сафида 13 мавсум тўп сурди ва жамоа билан кўплаб муваффақиятларга эришди. У клуб тарихидаги афсонавий футболчилардан бири сифатида эсда қолади, деб euro-football.ru хабар берди.