Махсус хәрби операциядә катнашучы Бөгелмәдә никахын рәсмиләштерде

Бөгелмәдә махсус хәрби операция зонасыннан ялга кайткан Александр белән Ксениянең никахын теркәү тантанасы ЗАГСта узды. Яшь пар балдаклар белән алмашты һәм никахлашу турында таныклык алды. Бу хакта «Бөгелмә авазы» хәбәр итә.

Район башкарма комитеты җитәкчесенең социаль мәсьәләләр буенча урынбасары Ольга Плеханова яшь парга бәхет, аңлашып яшәргә һәм нык мәхәббәт, ә Александрга тизрәк җиңү белән кайтуларын теләде. Үзенең котлавында ул гаилә кыйммәтләрен саклауның мөһимлеген билгеләп үтте.