Мәхмүд-Али Кәлиматов Рөстәм Миңнехановка Ингушетия Республикасының югары бүләген тапшырды

Ингушетия Башлыгы Мәхмүд-Али Кәлиматов Татарстан Республикасы Рәисе Рөстәм Миңнехановны республиканың иң югары бүләге - «Казанышлары өчен» ордены белән бүләкләде.

ТР Рәисе матбугат хезмәте җитәкчесе Лилия Галимова хәбәр иткәнчә, әлеге бүләк Ингушетия халкы алдында аеруча зур казанышлар өчен, ягъни халыклар арасында тынычлыкны, дуслыкны һәм хезмәттәшлекне ныгыту өчен бирелә.

Элегрәк Миңнеханов һәм Кәлиматов Татарстан Республикасы белән Ингушетия арасында хезмәттәшлек турында килешүләр имзалаган иде.