Альберт Хәбибуллин Казан мэрын сайлау процедурасын үзгәртү кирәклеген аңлатты
ТР Рәисе тәкъдим иткән кандидатлар арасыннан Казан мэрын сайлау турындагы закон проектын карау республика законнарын федераль кануннарга тәңгәлләштерү максатыннан башкарыла. ТР Дәүләт Советының дәүләт төзелеше һәм җирле үзидарә комитеты башлыгы Альберт Хәбибуллин шул хакта хәбәр итте.
«Без үз законнарыбызны федераль кануннарга тәңгәлләштерәбез. Ягъни федераль законның РФ субъекты башкаласы башлыгын сайлау ысулы турындагы пунктын федераль канунга туры китерәчәкбез», - диде Хәбибуллин журналистларга.
Бүген җирле үзидарәнең ике дәрәҗәле системасы саклануга бәйле рәвештә, муниципалитет башлыгы бер үк вакытта вәкиллекле органны да җитәкли, һәм аның кандидатурасы сайлап куелган депутатлар арасыннан сайланачак, дип өстәде парламентарий.