Уфада «Башкортстан Республикасы гүзәле»н сайлаячаклар
30 майда «Башкортостан» дәүләт концерт залында Бөтендөнья башкорт корылтае ярдәмендә «Башкортстан Республикасы гүзәле-2025» XI төбәк матурлык бәйгесенең финалы узачак. Бу хакта «Башинформ» агентлыгы хәбәр итә.
Финалда Башкортстанның төрле почмакларыннан (Уфа, Сибай, Стәрлетамак), республиканың төрле районнарыннан 10 кыз катнаша. 10 финалист кастинг узган 50дән артык кыз арасыннан сайлап алынды, дип хәбәр иттеләр агентлыкка оештыручылар.
Финал тамашасында бәйгедә катнашучылар визиткаларын тәкъдим итәр, «Агыйдел» башкорт сәнгать һөнәрчелегенең яңа коллекциясе киемнәрендә сәхнәгә чыгар, хореографик номер күрсәтер, интеллектуаль турда катнашыр (һ.б.) дип көтелә.
Бәйге «Россия гүзәле» илкүләм конкурсының төбәк партнеры булып тора. Керү ирекле.