Казан кешесе балаларга газ баллоны белән һөҗүм иткәннән соң җинаять эше ачылды
Казанда бер ир-ат балаларга газ баллоны белән һөҗүм иткәннән соң җинаять эше кузгатылды.
«Татар-информ» агентлыгы хәбәр иткәнчә, Казанның Фәйзи урамында адекват булмаган ир-атның балаларга һөҗүм итүе турында социаль челтәрләрдә мәгълүмат чыккан.
Видеодан күренгәнчә, ул баланы кыйный, самокатын вата һәм газ баллоны куллана.
Хәбәрдә шулай ук әлеге ир-атның элегрәк күп фатирлы йортта яшәүчеләрне кыйнавы әйтелә.
Россия Тикшерү комитеты рәисе Бастрыкин Татарстан Республикасы буенча Тикшерү идарәсе җитәкчесе Липскийга җинаять эше кузгатырга һәм доклад тәкъдим итәргә кушты.