Алабугада «Сабантуй сылуы» конкурсы уза
29 майда 18:00 сәгатьтә Алабугада «Сабантуй сылуы-2025» муниципаль конкурсы узачак, анда татар телен белүче яшь кызлар (14 яшьтән 25 яшькә кадәр) өч номинациядә җиңү өчен көрәшәчәк. Бу хакта «Алабуга нуры» яза.
Дефиле — грация һәм стиль, иҗади номер — сәхнәдә талантлар, аш-су конкурсы — пешерү осталыгы номинацияләре бар.
Тамашачылар өчен яңалык: сезнең тавышыгыз хәл итә. Төп конкурс белән параллель рәвештә «Тамашачылар симпатиясе призы» старт ала.
Тавыш бирү t.me/king_elabuga Telegram-каналында узачак.