Рөстәм Миңнеханов Олег Газмановка «Дуслык» ордены тапшырды
Татарстан Рәисе Рөстәм Миңнеханов «Родники.Дети» балалар җыр конкурсы финалында Россиянең халык артисты Олег Газмановка «Дуслык» орденын тапшырды. Чара Галиәсгар Камал исемендәге театрның яңа бинасында уза.
«Олег Михайлович, Татарстан сезнең өчен һәрвакыт ачык», – диде республика җитәкчесе.
«Дуслык» ордены белән Газманов Татарстан белән нәтиҗәле хезмәттәшлеге һәм мәдәният һәм сәнгатьне үстерүдәге казанышлары өчен ТР Рәисе Указы нигезендә бүләкләнде.
«Родники.Дети» финалында Белоруссия һәм Россиянең 22 төбәгеннән 29 яшь музыкант катнаша. Татарстанны «Ежевика» фолк-проекты тәкъдим итә.