Тошкентда йўл ўртасида MAN юк машинаси ёниб кетди

1 июнь куни Тошкент шаҳрида MAN русумидаги юк машинаси йўл ўртасида ёниб кетди, деб Nova24.uz хабар берди.

Пойтахт Фавқулодда вазиятлар бошқармаси ахборотига кўра, ҳодиса соат 11:31 да Алмазар туманидаги Тошкент ҳалқа йўлида содир бўлган. MAN юк автомобилида ёнғин чиққани ҳақидаги хабардан сўнг, соат 11:35 да ёнғин-қутқарув гуруҳлари ҳодиса жойига етиб борган ва ёнғин 11:39 да тўлиқ бартараф этилган.

Ҳодиса оқибатида ҳеч ким жароҳат олмаган. Ҳозирда ёнғиннинг келиб чиқиш сабаблари ва етказилган моддий зарар миқдори аниқланмоқда.