X XChat мессенжерини Bitcoin услубида шифрлаш билан ишга туширмоқда

Ижтимоий тармоқ X тез орада XChat номли янги мессенжерни ишга тушириш арафасида, деб Rozetked.me хабар берди. Унинг ўрнида бугунги Direct Messages (DM) бўлиши кутилмоқда. Hозирда айрим тўловли фойдаланувчилар учун XChat бета-синов режимида ишламоқда.

Илон Маск ушбу янги платформа ҳақида батафсил маълумот бериб, уни Bitcoin услубидаги шифрлаш орқали ҳимояланишини таъкидлади:

“Биз янги XChat мессенжерини ишга туширяпмиз. У шифрланган, хабарлар йўқоладиган, ҳар қандай файл юбориш мумкин бўлган тизим. Шунингдек, аудио ва видео қўнғироқлар ҳам мавжуд. У Rust тилида ёзилган ва бутунлай янги архитектурага эга.”

Яна бир муҳим жиҳати — XChat учун телефон рақами талаб этилмайди.

Платформа барча фойдаланувчилар учун қачон очилиши ҳозирча номаълум.