Оренбург өлкәсе Сабан туенда абсолют батыр исемен Айрат Сәмигуллин яулады
Быелгы Оренбург өлкәсе Сабан туенда абсолют батыр исемен Айрат Сәмигуллин яулады. Бу хакта Бөтендөнья татар конгрессының матбугат хезмәте хәбәр итә.
Айрат Сәмигуллинга төп бүләк — яңа Lada Granta автомобиле ачкычлары тапшырылды. Бу кыйммәтле бүләк Татарстан Республикасы Рәисе Рөстәм Миңнеханов исеменнән бирелде.
Ачкычларны тантаналы рәвештә Бөтендөнья татар конгрессының Башкарма комитеты җитәкчесе Данис Шакиров тапшырды, диелә хәбәрдә.