Қазақстанда алдағы күндері ауа райы қандай болады?
Қазгидромет синоптиктері 12, 13 және 14 маусым күндері Қазақстанда ауа райы қандай болатынын болжады, - деп хабарлайды Tengrinews.kz тілшісі.
Синоптиктер мәліметінше, алдағы күндері Қазақстан аумағына жылы ауа массалары келеді. Елде жазғы ыстық ауа райы орнайды.
Солтүстік аймақтарда ауа температурасы +25 пен +33 градус аралығында болады, ал оңтүстікте сынап бағаны +38 градусқа дейін көтеріледі.
Алайда күннің жылынуына қарамастан, фронтальды жүйелер өз әсерін жалғастырады. Елдің кей жерлерінде жаңбыр жауып, найзағай ойнайды, жел күшейеді, сондай-ақ бұршақ түсуі мүмкін.
Сілтемесіз жаңалық оқисыз ба? Онда Telegram желісінде парақшамызға тіркеліңіз!