შსს-მ სალომე ზურაბიშვილს 5 000-ლარიანი ადმინისტრაციული ჯარიმა გაუგზავნა
საქართველოს მეხუთე პრეზიდენტი სალომე ზურაბიშვილი ფეისბუკზე აქვეყნებს სამართალდარღვევის ოქმს, რომლითაც მას შინაგან საქმეთა სამინისტრო 5 000 ლარით აჯარიმებს 3 მარტს შეკრებისა და მანიფესტაციების შესახებ კანონის დარღვევისთვის - ამ დღეს პრეზიდენტი მონაწილეობდა დედების მარშში, რომელიც პოლიტპატიმრებად მიჩნეული ადამიანების და მათი ოჯახის წევრების მხარდასაჭერად გაიმართა. მსვლელობა შედგა ფილარმონიიდან პარლამენტამდე.
"აქტივისტად მოვინათლე დღეს !
მე კი ვიდექი იქ სადაც ყველა დედა უნდა მდგარიყო - სინდისის პატიმრების დედების გვერდში!" - ამ ტექსტით აქვეყნებს პრეზიდენტი მისთვის გამოწერილ საჯარიმო ქვითარს, რომელიც 10 აპრილს არის შედგენილი. ოქმის მიხედვით, მან სამართალდარღვევა 3 მარტს, 21 საათსა და 31 წუთზე ჩაიდინა.