Аёллар тадбиркорлиги учун молиявий стратегия ишлаб чиқилмоқда

Аёллар тадбиркорлигини қўллаб-қувватлаш йўналишида молиявий хизматлар кўрсатиш стратегиясини ишлаб чиқиш бўйича ишлар давом этмоқда, деб Ўзбекистон Республикаси Марказий банки маълум қилди.

2025 йил 14 мартдаги Президент қарори (PQ–103-сон) ижросини таъминлаш доирасида Марказий банк 11 та тижорат банки иштирокида стратегия ишлаб чиқиш бўйича навбатдаги учрашувни ўтказди.

2025 йил май ойида “Ҳамроҳ” компанияси, Савдо-саноат палатаси ва фаол тижорат банклари (Халқ банки, Микрокредитбанк) билан ҳам музокаралар ўтказилди.

Учрашувларда аёл тадбиркорлар учун махсус молиявий маҳсулотлар, ўқув ва менторлик дастурларини ишлаб чиқиш имкониятлари муҳокама қилинди. Шунингдек, ҳужжатнинг устувор йўналишлари белгилаб олинди.