Аудан әкімі үздік оқушыларды қабылдады

Салтанатты қабылдауға аудандық мәслихаттың төрағасы Қадірбек Садубаев, аудан әкімінің орынбасары Айтолқын Әбдібекова қатысты.
Жалпы биыл аудан мектептерін 471 оқу­шы бітірсе, соның ішінде 20 оқушы «Алтын белгі», 52 оқушы «Үздік аттестатпен» аяқтады.
Қабылдауда түлектерге игі тілегін арнаған Нұрбол Әбдімәжитұлы:
— Міне, бүгін сіздер алтын ұя мектептеріңізбен, аяулы ұстаздарыңызбен қоштасып, болашаққа қадам бастыңыздар. «Білімдінің қолында алтын шырақ», — демекші өздеріңізді білім ордасын үздік бітірулеріңізбен құттықтаймын. Ел болашағы білімді жастардың қолында екенін жақсы білесіздер. Алдағы уақытта өздеріңіз қалаған мамандықтың иесі болып шығуларыңызға шын тілектестігімді білдіремін,-деді.
Шара соңында түлектерге «Алтын белгі» салтанатты жағдайда табыс етілді.