"Экстремизмді қаржыландырды" және "тыйым салынған ұйымның жұмысына араласты" деп айыпталып, 7 жылға сотталған журналист, белсенді Думан Мұхаммедкәрім Қызылордадағы түзеу мекемесіне түскелі бері тәртіп изоляторынан көз ашпай келеді. Былтыр желтоқсанда №60 мекемеге ауыстырылған белсенді бастапқыда бір апта, одан кейін бір ай, екі ай, соңғы рет 4 ай тәртіп изоляторына қамалған. Кейінгі төрт айда алғаш рет белсендіге кіріп шыққан адвокат Ғалым Нұрпейісов ми қайнатқан ыстықта ауасы тар, жалғыз адамдық камерада отырған Думан Мұхаммедкәрімнің денсаулығы қатты нашарлағанын айтты. Азаттық тілшісі адвокаттан сұхбат алды.
