Ўзбекистонликларнинг 40% и пул жамғармаган

Ўзбекистон аҳолисининг қарийб 40 фоизи пул жамғармаган, деб Uz24.uz хабар берди. Бу ҳақда Марказий банк ва Осиё тараққиёт банки кўмагида ўтказилган сўровнома натижалари маълум қилди.

Сўровнома натижаларига кўра, аҳоли орасида пул жамғариш одати паст даражада. Фақат 7,4% иштирокчи молиявий муассасаларда жамғармага эга эканини билдирган.

Ҳудудлар кесимида маълумотлар қуйидагича:
. Тошкент шаҳрида сўнгги 12 ой ичида маблағ жамғармаганлар улуши 25% ни ташкил этган.
. Қорақалпоғистон Республикасида эса бу кўрсаткич 54% бўлиб, энг паст даражани ташкил этган.

Пул жамғариш одатлари ҳудуд, таълим ва бандлик даражасига қараб фарқ қилади. Олий маълумотли ўзбекистонликларнинг 27% и пул жамғармайди.