Япониядан келган сайёҳлар сони 53,4% га ошди

2025 йилнинг январь–апрель ойлари давомида Ўзбекистонга 6,8 минг нафар Япония фуқароси келди, деб Kursiv.uz Ўзбекистон Миллий статистика қўмитасига таяниб хабар берди. Бу кўрсаткич ўтган йилнинг шу даврига нисбатан 53,4% га кўпдир.

Японияликлар кўпроқ туризм мақсадида ташриф буюришган — 5,9 минг нафар.

589 нафар япон фуқароси Ўзбекистондаги яқинларини кўриш учун келган бўлса, 221 нафарининг ташрифи хизмат сафари билан боғлиқ бўлган.

Шунингдек, Франциядан келаётган сайёҳлар сони ҳам ўсгани қайд этилди — январь–апрель ойларида деярли 6,8 минг нафар француз Ўзбекистонга келган.