Яшел Үзәндә Эчке эшләр министрлыгы бүлегенең яңа җитәкчесен тәкъдим иттеләр
Полиция подполковнигы Ренат Хәсәнов Россия Эчке эшләр министрлыгының Яшел Үзән буенча бүлегенә җитәкче итеп билгеләнде. Моңа кадәр ул Буа районы буенча Эчке эшләр министрлыгы бүлеген җитәкләгән, дип хәбәр итә Татарстан буенча Эчке эшләр министрлыгының матбугат хезмәте.
Аны шәхси составка Татарстан буенча эчке эшләр министры Дамир Садретдинов тәкъдим итте.
«Бүлекнең шәхси составы яңа җитәкчегә кыска вакыт эчендә район үзенчәлекләрен аңларга булышыр һәм аның инициативаларын хуплар дип уйлыйм», – диде министр.