Якташыбыз Әгъдәс Борһановка Дәүләт премиясе тапшырылды
Казан Кремлендә Татарстан Президенты Рөстәм Миңнеханов фән һәм техника өлкәсе хезмәткәрләренә ТР дәүләт премияләре тапшырды.
Бүләкләнүчеләр арасында Сарабиккол авылында туып, хәзерге вакытта Мәскәүдә яшәүче танылган якташыбыз Әгъдәс Борһанов та бар. Ул -тарих фәннәре докторы, Татарстан Фәннәр Академиясенең мактаулы әгъзасы, Бөек Ватан сугышы ветераны, профессор. Аңа Татарстан Дәүләт премиясе табигый һәм гуманитар фәннәр үсешенә, яңа технологияләрне эшләү һәм кертүгә зур өлеш керткәне өчен тапшырылды.
Чыганак:http://president.tatarstan.ru/