Миңнеханов халыкара мөнәсәбәтләр институты ректоры белән хезмәттәшлек турында сөйләште

Татарстан Рәисе Рөстәм Миңнеханов һәм Россия Тышкы эшләр министрлыгының Мәскәү дәүләт халыкара мөнәсәбәтләр институты ректоры Анатолий Торкунов мәгарифне үстерү һәм илнең әйдәп баручы югары уку йортлары белән хезмәттәшлек мәсьәләләре турында фикер алышты. Бу хакта ТР Рәисенең матбугат хезмәте хәбәр итә.

Очрашу югары уку йорты бинасында узды. Ясалма фәһемне үстерү фикер алышу темаларының берсе буларак сайланган иде.

Рөстәм Миңнеханов югары уку йорты ректоры озатуында Мәскәү дәүләт халыкара мөнәсәбәтләр институтының нейромаркетинг лабораториясе эше белән танышты. Лаборатория заманча технологияләрне классик һәм яңа белем бирү программалары һәм юнәлешләренә интеграцияләү, шулай ук университетка яңа кадрлар, тышкы партнерлар һәм заказчылар җәлеп итү өчен булдырылган.

Кунаклар арасында шулай ук ТР мәгариф һәм фән министры Илсур Һадиуллин, ТР яшьләр эшләре министры Азат Кадыйров, ТР Ректорлар советы рәисе, Казан (Идел буе) федераль университеты ректоры Ленар Сафин һәм башкалар бар иде.

Аннары Рөстәм Миңнеханов Россия Тышкы эшләр министрлыгының Мәскәү дәүләт халыкара мөнәсәбәтләр институтында белем алучылар, шул исәптән Татарстан студентлары белән очрашты.