Шомуродов жамоасида бу сафар нурсиз дуранг! Элдор тўлиқ ўйнади

Туркия Суперлигасининг 9-туридан ўрин олган Ризеспор – Истанбул Басакшеҳир баҳси 0:0 ҳисобида якунланди. Учрашувда ўзбекистонлик ҳужумчи Элдор Шомуродов асосий таркибда майдонга тушди ва бутун ўйин давомида ҳаракат қилди.

Ўйинда Басакшеҳир жамоаси 15 марта дарвоза томон зарба берди, шундан 5 таси аниқ бўлди. Ризеспор жамоасида эса 10 та зарба ва 4 та аниқ зарба қайд этилди. Тўп назорати 51% — 49% кўринишида Ризеспор устунлигида кечди.

Ушбу дуранг натижасидан сўнг Ризеспор 11-ўринда (9 очко), Басакшеҳир эса 16-ўринда (7 очко) қолди.