"Челси" бош мураббийи Энцо Мареска Чемпионшип унга ёқишини айтди

“Челси” бош мураббийи Энцо Мареска Англия футболининг иккинчи даражали дивизиони — Чемпионшип мусобақаси унга ёқишини айтди. Бу ҳақда Euro-football.ru хабар берди.

Мареска бир мавсум давомида “Лестер” жамоасида Чемпионшипда ишлаганини ва бу турнир унга манзур бўлганини билдирди. У ҳозирда Премьер-лигада ёки Чемпионлар лигасида иштирок этса ҳам, ҳар доим Чемпионшип ўйинларини кузатиб боришини таъкидлади.

Мареска ўтган мавсумдан бошлаб “Сандерленд” жамоасини ҳам диққат билан кузатиб келаётганини айтди. У “Сандерленд” янги мураббий келганидан сўнг яхши ўйин кўрсатаётганини ва жамоа жисмонан кучли эканини қайд этди.

Шунингдек, мураббий жамоанинг меҳнатига ижобий баҳо берди. “Челси” ва “Сандерленд” ўртасидаги Премьер-лига учрашуви 25 октябрь, шанба куни бўлиб ўтади. Мареска ушбу ўйинга тайёргарлик кўраётганини таъкидлади.