Капиталь төзекләндерү өчен взносларга ташламалар ясала

Россия Президенты Владимир Путин күпфатирлы йортларга капиталь төзекләндерү өчен каралучы түләү взносларыннан  өлкән кешеләрне, инвалидларны өлешчә азат итү, ташламалар ясау турындагы законга кул куйды. Әлеге закон буенча 80 һәм аннан югары яшьтәге ялгыз яшәүче өлкән кешеләргә  торак-коммуналь хезмәтләре өчен түләү счетларындагы капиталь төзекләндерү графасы юкка чыгарыла. Ә 70 яшькә җиткән ялгыз өлкән кешеләргә 50 процент ташлама ясала. Шулай ук I һәм II группа инвалидларга, инвалид балалар тәрбияләүчеләргә дә капиталь төзекләндерү өчен каралган түләүләргә 50 процентка кадәр ташлама карала.