“Тоттенхем” ҳимоячиси Ван де Вен етакчиликни ўз зиммасига олмоқда

“Тоттенхем” бош мураббийи Томас Франк жамоа ҳимоячиси Микки ван де Веннинг жорий мавсумдаги формаси ҳақида фикр билдирди. “Менимча, у ҳақиқатдан ҳам ўсишда давом этмоқда ва катта қадамлар ташламоқда.

Умуман олганда, мен ундан жуда мамнунман. У етакчилик вазифаларини тобора кўпроқ ўз зиммасига олмоқда, ҳимояда ҳам ўз тезлиги билан бирга аниқроқ позицияларни танлаш орқали яхшироқ ўйнаётганди. Бу мени жуда хурсанд қилмоқда”, – деди Франкнинг сўзларини The Spurs Express келтиради.

Жорий мавсумда 24 ёшли ван де Вен барча турнирларни ҳисобга олганда 13 ўйинда майдонга тушиб, 5 марта рақиблар дарвозасини ишғол қилди.

30 октябр куни “Тоттенхем” сафарда “Ньюкасл”га қарши ўйнайди. Англия Лига кубоги 1/8 финал учрашуви Тошкент вақти билан соат 01:00 да бошланади.