Нуну Мендеш: «Луис Энрике ўйинимни ўзгартирди»
0
ПСЖ ҳимоячиси Нуну Мендеш жамоа бош мураббийи Луис Энрике ҳақида фикр билдирди. «Луис Энрике менинг ўйин услубимни бутунлай ўзгартирди!
Олдинроқ мен ҳимояда унчалик кучли эмас эдим. У бу камчиликни сезди ва мендан бу борада кўп ишлашни талаб қилди.
Шу сабабли мен кўп қиррали футболчига айландим. У туфайли биз ҳаммамиз кўпроқ универсал бўлиб бормоқдамиз ва бу бутун фаолиятимиз давомида бизга ёрдам беради», — деди Мендеш ParisTeam нашрига берган интервьюсида.
Жорий мавсумда 23 ёшли португалиялик футболчи барча мусобақаларда 11 та ўйинда майдонга тушиб, 3 та гол урди ва 3 та голли узатмани амалга оширди. Франция чемпионатининг тўққизта тури якунига кўра, ПСЖ 20 очко тўплаб, мусобақа жадвалида етакчилик қилмоқда.