Банклар кредит хавфларини олдиндан маълум қилади
2026 йил 29 январдан бошлаб, тижорат банклари мижозларни кредит олиш жараёнида юзага келиши мумкин бўлган хавфлар ҳақида олдиндан хабардор қилишлари шарт бўлади. Шунингдек, тўловларда қийинчиликка дуч келган мижозлар учун кредит шартларини ўзгартиришнинг ички тартибини ишлаб чиқиш талаби қўйилади.
Банкларга мижоз томонидан талаб қилинган суммадан ортиқ кредит таклиф қилиш, ижтимоий тўловларни қарзни ёпиш учун ишлатиш ва белгиланган муддатдан олдин тўлов талаб қилиш тақиқланади. Бундан ташқари, мижознинг розилигисиз кредит шаклларини олдиндан тўлдириш ва автоматик равишда параметрларни белгилаш чекланади.
Шу билан бирга, банклар омонатларни кафолатлаш тизими, кафолат турлари ва миқдорлари, шунингдек, тўловларни амалга ошириш тартиби ва муддатлари ҳақида батафсил тушунтириш беришлари керак бўлади.