ПСЖ футболчиси қишки трансферни хоҳламоқда
ПСЖ марказий ҳимоячиси Лукас Бералдо қишки трансфер ойнасида жамоани тарк этишни хоҳлаётганини маълум қилди. Бу ҳақда журналист Экрем Конур хабар берди.
Манбанинг маълумотига кўра, 21 ёшли бразилиялик футболчи келаси АҚШда бўлиб ўтадиган Жаҳон чемпионатида иштирок этиш учун кўпроқ ўйин амалиётига эга бўлишни истамоқда. Бералдога АПЛ ва А Серия клублари қизиқиш билдирмоқда.
ПСЖ ҳимоячисини 30 миллион еврога баҳолаган. Жорий мавсумда Бералдо Франция чемпионатида етти ўйинда майдонга тушиб, бир марта гол урган.
Бироқ, у Чемпионлар лигаси ўйинларида иштирок этмаган. Бералдо билан тузилган амалдаги меҳнат шартномаси 2028 йилнинг июн ойигача амал қилади.