Кристиан Киву: "Дастлаб жуда ҳаяжонланардим"
Миланнинг "Интер" клуби бош мураббийи Кристиан Киву жорий лавозимда ишлаш тажрибаси ҳақида ўз фикрларини билдирди. Руминиялик мутахассис июн ойида Симоне Индзагини алмаштириб, клуб бошқаруаига келган эди.
"Топ-клубда ишлаш қандай ҳис? Ўзим ҳақимда гапиришни унчалик ёқтирмайман.
Дастлаб жуда ҳаяжонланар эдим ва ташвишлар кўп эди – кўплаб масалаларни ҳал қилиш керак эди. Энди эса ҳаммаси ўз жойига тушиб, иш жараёнидан завқ оляпман", – деди Киву DAZN телеканалига берган интервьюсида "Фиорентина" устидан 3:0 ҳисобида эришилган ғалабадан сўнг.
"Нерадзурри" Италия А Серияси турнир жадвалида 9 турдан кейин 18 очко билан учинчи ўринни эгаллаб турибди ва етакчи "Наполи"дан уч очко ортда қолмоқда.