„Градинарот, а? Те следам, браво“, му велат случајни минувачи. Дваесет и петгодишниот Андреј стана познат под псевдонимот Градинарот, откако почна бесплатно да ги уредува паркчињата во Скопје. Невработениот економист кој сака градинарството да му стане професија, бргу го привлече вниманието на јавноста. На улица веќе го препознаваат, додека пораки и коментари за поддршка добива и на социјалните мрежи.
